Tu âs cirût la peraule
monolengâl
torne indaûr

monolengâl

lassâ di bande loc.v.
Lassâ un pôc lontan, soredut in posizion laterâl
sinonims
lassâ in bande
esemplis
"la slite e nete la strade lassant di bande grums di nêf"
Viôt ancje: lassâ de bande
lassâ di bande loc.v.
No doprâ, no mangjâ, no bevi, no spindi e v.i., soredut par podêlu fâ plui indevant
esemplis
"al furigave tal cassetin dal pan par gjavâ fûr une croste, lassade di bande la sere prime"
gjavât fûr di "Pollione Magrini" di Gianni Gregoricchio
lassâ di bande loc.v.
No cjapâ dentri, no tocjâ, no cjapâ in considerazion
sinonims
lassâ in bande, lassâ fûr
esemplis
"in realtât, lassant di bande la impuartance storiche de documentazion, a lei la premesse di chel librut si capissin altris cjossis [...]"
gjavât fûr di "Logjiche e politiche" di Josef Marchet
"Ben che al sinti, siôr Tite, lassìn di bande chestis fotis! "
gjavât fûr di "Un grop sul stomi" di Arturo Feruglio
lassâ di bande loc.v.
Escludi, no fâ partecipâ
sinonims
lassâ in bande, parâ di bande, parâ vie, lassâ fûr
esemplis
"par dute la sere Lilie mo no lu veve abadât e mo lassât di bande"
gjavât fûr di "Lilie" di Gianni Gregoricchio
lassâ di bande loc.v.
No fâ alc, rinunziâ a alc
sinonims
lassâ in bande, fâ di mancul, molâ, lassâ, lassâ fûr
esemplis
"se propit no tu vuelis lassâ di bande dal dut la tô mate idee umanitarie, ancje culì a son piçulis e grandis miseriis e tu pûs fâ dal ben"
gjavât fûr di "O sielç lis stelis" di Pieri Somede dai Marcs
torne sù